Friday, October 14, 2011

നിർമ്മൽ മാധവ് എന്ന വെറുക്കപ്പെട്ട പെറ്റി ബൂർഷ!


നിർമ്മൽ മാധവാ.. നിന്റെ പേര് കേട്ടാൽ തന്നെ അറിയാം നീ ഒരു പെറ്റി ബൂർഷാ ആണെന്ന്. ഇവിടെ ഉള്ള ഏതേലും ഒരു വളര്‍ന്നു വരുന്ന സഖാവിന്റെയോ നേതാവിന്റെയോ പേരെടുത്ത് വായിച്ച് നോക്കീനെടാ.. ആർക്കെങ്കിലും ഉണ്ടൊ നിന്റെ പോലെ കൊമ്പുള്ള ഒരു പേര്?? രാജേഷ്, ബൈജു, ബിജു, ലിജു, ശശി, ഗോവിന്ദൻ അങ്ങനെ ഏതേലും ഒരു പേരും പിന്നിലൊ മുന്നിലോ ഒരു കെ., പി., വി., അങ്ങനെ എന്തേലും കാണും. ഇവിടെ അടിച്ചമർത്തപെട്ട അടിസ്ഥാനവർഗ്ഗത്തിൽ ആർക്കേലും ഉണ്ടോ നിന്റെ പോലെ തണ്ടുള്ള ഒരു പേര്?? അവർ ചുമ്മ കോരനോ കോമളനോ ആയിരിക്കും. നിര്‍മ്മല്‍ മാധവന്‍ ആണത്രേ നിര്‍മ്മല്‍ മാധവന്‍! നിന്റെ പേരില്‍ തന്നെ ഉണ്ടൊരു ജന്മിത്വം!

പിന്നെ എന്തൊക്കെ പറഞ്ഞാലും നിന്റെ പിത്രൻ പണ്ട് പെട്ടികടയായിട്ടാണേലും കൊപ്രാകച്ചവടം നടത്തിയവനല്ലേ... അപ്പൊ നീ തീർച്ചയായും പെറ്റി (പെട്ടികട) ബൂർഷാ തന്നെ. മുതലാളിത്വ സാമ്രാജ്യത്വ ശക്തിയുടെ പര്യായമേ.. വെറുക്കപ്പെട്ടവനേ.. നിഷേധി.. നിനക്ക് അടിച്ചമർത്തപെട്ടവന്റെ വേദന അറിയുവോടാ..? അടിസ്ഥാന വർഗ്ഗക്കാരന്റെ ദുഃഖം അറിയുവോടാ..? നിനക്ക് കേരളത്തിന്റെ ഹിസ്റ്ററി അറിയുവോടാ..? അടിച്ചമര്‍ത്ത പെട്ടവന്റെ വേദന നിന്നെ ഞങ്ങള്‍ പഠിപ്പിക്കും..! ഹിസ്റ്ററി പഠിച്ചില്ലേലും കേരളത്തിന്റെ ജോഗ്രഫി നിന്നെ ഞങ്ങള്‍ പഠിപ്പിക്കും.! കേരളത്തില്‍ മൊത്തം എത്ര എഞ്ചിനീയറിംഗ് കോളേജ് ഉണ്ടെന്നും അങ്ങോട്ടേക്കുള്ള റൂട്ട് എങ്ങനെ എന്നും നിന്നെ ഞങ്ങള്‍ പഠിപ്പിക്കും. കാരണം നീ ബൂര്‍ഷ ആണ്. പെറ്റി ബൂര്‍ഷ!

എന്തുവാ ഇത്ര സംഭവം??
അന്റച്ചന്‍ വണ്ടി മുട്ടി വയ്യാതെ കിടന്നപ്പോ അച്ഛനെ നോക്കാന്‍ അടുത്തേതെലും  കോളെജിലേക്ക് സീറ്റ് മാറി കിട്ടണം എന്ന് നീ ആഗ്രഹിച്ചു, നോക്കാം എന്ന് ഒരു വിദ്യാര്‍ഥി നേതാവായ സഖാവ് നിന്നോട് പറഞ്ഞു. വിദ്യാര്‍ഥി  സഖാക്കള്‍ ജീവിതം ഉഴിഞ്ഞു വച്ചിരിക്കുന്നത് വിദ്യാര്‍ഥി ക്ഷേമത്തിന് വേണ്ടി ആണെന്ന് നിനക്ക് അറിയാത്തതാണോ.! നിന്നോട് പറഞ്ഞ വാക്കിന്റെ പേരില്‍ വല്ലപ്പോഴും 10 ചില്ലറ കടം വാങ്ങി.. കുറച്ചു ബുക്കോ ബാഗോ രണ്ടു പാന്റോ ഷര്‍ട്ടോ ഇടക്ക് നിന്റെന്നു അട്ജസ്റ്മെന്റിനു വാങ്ങി! വിദ്യാര്‍ഥികള്‍ ആയാല്‍ അങ്ങനെ അല്ലെ! പരസ്പരം കൊണ്ടും കൊടുത്തും അല്ലെ ജീവിക്കേണ്ടത്??

അതും പോട്ട്! നോക്കാം എന്നല്ലേ സഖാവ് നിന്നോട് പറഞ്ഞത്. നോക്കാം എന്ന് പറഞ്ഞാല്‍ നോക്കുകൂലി വേണം എന്ന് നിനക്കറിയില്ലേ?? തൊഴിലാളി വര്‍ഗ്ഗത്തിന്റെ അടിസ്ഥാന അവകാശം ആയ നോക്കുകൂലിയെ പറ്റി നിനക്ക് അറിവില്ലാത്തതാണോ??? നീ എന്താ കേരളത്തില്‍ അല്ലെ ജനിച്ചത്?? എന്നിട്ട് നീ ആ പണം തിരികെ ചോദിക്കുന്നോ?

വളര്‍ന്നു വരുന്ന ഒരു നേതാവ് കിടാവിനെ, നാളെ മന്ത്രിയോ മുഖ്യമന്ത്രിയോ 'ആരായിതീരും ഈ ബാലന്‍' എന്നുറപ്പില്ലാത്ത ഒരു പൈതലിനെ അവന്റെ ചരിത്രത്തില്‍ ഒരു കറുത്ത കുറിയിടാന്‍ നീ വിജ്രിംഭിത ശക്തികളുമായ് അന്തര്‍ധാര ഉണ്ടാക്കിയതല്ലേ ഈ പണം തിരികെ ചോദിക്കലിന്റെ പിന്നില്‍?? പണം തിരികെ ചോദിച്ച് അവമാനിച്ചിട്ടു പിന്നെ വേണ്ട എന്ന് പറഞ്ഞാല്‍ കാര്യം തീരുവോ..! നീ കേരളം മുഴുവന്‍ ഓടും..! ഓടിച്ചിട്ടടിക്കും ഞങ്ങള്‍! ഇത്രേം ഒക്കെ ആയിട്ടും അഹങ്കാരം തീരാതെ ബൂര്‍ഷ സംരക്ഷകനായ കേരള മുഖ്യമന്ത്രിയുടെ ചീട്ടും വാങ്ങി നീ കൊമ്പത്തെ കോളേജില്‍ തന്നെ പഠിക്കാന്‍ വന്നേക്കണോ! ദുരാഗ്രഹീ..! ഒരു വിദ്യാര്‍ഥി സംഘടനയ്ക്ക് മുഴുവന്‍ ഇല്ലാത്ത ആര്‍ത്തി നിനക്കോ പഠിക്കാന്‍!! അഹങ്കാരി! നീ അനുഭവിച്ചതില്‍ ഒന്നും വല്യ കാര്യം ഇല്ലെന്നു നിനക്ക് ഇപ്പൊ ബോധ്യം ആയില്ലേ??

ഒരൊറ്റ കാര്യം കൊണ്ട് മാത്രം നിന്നെ ഞങ്ങള്‍ വെറുതെ വിടുന്നു.. ഞങ്ങടെന്ന്‍ കൊണ്ട തല്ലിന് നീ നന്ദി ഉള്ളവനാണ് എന്ന ഒറ്റ കാര്യം കൊണ്ട് മാത്രം! ഏതെങ്കിലും പട്ടികാട്ടില്‍ പോയി പഠിച്ചോ! അടിസ്ഥാന വര്‍ഗ്ഗ സമര മുന്നണിയുടെ അടിക്കും അതിക്രമത്തിനും സമരത്തിനും നീ നന്ദി ഉള്ളവനല്ലായിരുന്നെങ്കില്‍ നിന്നെ ഞങ്ങള്‍ ചുരുട്ടി കെട്ടി അരിവാളിനരിഞ്ഞു ചുറ്റികക്കടിച്ച്  നക്ഷത്രമെണ്ണിച്ചേനെ! 

8 comments:

ഗംഭീരമായിട്ടുണ്ട്........ കീഴാളി വര്‍ഗ്ഗത്തെ ഉയര്‍ത്താന്‍ നടക്കുന്നവര്‍........ ത്ഫൂ

ഗംഭീരമായിട്ടുണ്ട്..
കലക്കിയിട്ടുണ്ട്....
ഉം....അമ്മയെത്തല്ലിയാലുമുണ്ടല്ലോ സ്നേഹിതാ ഇരുവശം പിടിക്കാൻ ആളുകൾ..!

huiiiiiiiiiiiiiiiii undamzeeee ithratholam venamayiruno? yenalum niyu akshebahasiyathode paranju kaliyakkiya e prasthanam... chilarengilum nenjilettiyaaaaaaaa valiaya oru prasthanathinte yuva thalamuraye anu oorma venam.... yendokke anelum niyu azhudiyadellam veru thamshaku anelum)kazhivinte mungana kramam thettichu oruthan oru seat adicheduthal sfi adine ethirthilla yengil niyo ivide ithu kandu chiricha chilarkengilum ivanu pagaram kazhivu ulla oru kuttikku a seat vangi kodukan kaiyumo ?.... illaaaaaaaaaa orikalum illa adanu niyu paranjaaa aa adakrithante party.... inquilab inquilab zindabad

"നോക്കാം എന്ന് പറഞ്ഞാല്‍ നോക്കുകൂലി വേണം" - അത് കിടു.
'മേല്‍'നോട്ടക്കാരുടെ ശല്യം കൊണ്ട് പൊറുതി മുട്ടുന്നവരുടെ കഥയോ?

Post a Comment